انتخابات شاورما

عند الامتحان يكرم المرؤ أو كااااااك

في طالب في الجامعه كان عنده امتحان في ماده من المواد اللي متخصص فيها وهي علم الطيور ويوم قرب اختبار الماده آخر السنه، الطالب راجع وراجع لين ماطلعت عيونه، ودخل الامتحان وهو واثق مليووووون بالميه انه جاهز وبينجح في الامتحان، والمفاجأه ان الاستاذ قابلهم بسؤال واحد فقط!!


والسؤال عباره عن صور لأرجل بعض الطيور، والمطلوب معرفه اسماء الطيور من شكل ارجلها!؟؟


اختبص صاحبنا وماعرف يحل السؤال، قام من الكرسي وراح للاستاذ وسلم ورقته فاضيه وقال حق الاستاذ: اتفووو عليك وعلى مادتك هذي الخايسه وانت اخيس استاذ شفته بحياتي!!!


رد عليه الاستاذ بكل برود: اعتبر نفسك راسب في الماده!



شوي ويلاحظ الاستاذ ان الطالب ماكتب اسمه في ورقه الاجابه قام وقال للطالب بغضب: 
وين اسمك يا ولد؟؟


قام الطالب ورفع ثوبه وطلع رجوله وقال للأستاذ: اذا في أمك خير اعرف اسمي من شكل رجوولي؟

الجنطة

دورة حياة الموظف الكويتي

المنبه يرفع الضغط

قعدة الصبح ترفع الضغط

الجو يرفع الضغط

الزحمة ترفع الضغط

الاشارة تطول و ترفع الضغط

التكاسي بالشوارع يرفعون الضغط

البصمة ترفع الضغط

التأخير يرفع الضغط

الدوام يرفع الضغط

المدير المليق يرفع الضغط

الاجتماع يرفع الضغط

المره تدق تبي أغراض من الجمعية ترفع الضغط

الضغط.. الضغط.. الضغط

اخذ قسطا من الراحة

تناول كيت كات

حبيبتي غنيمة الفهد

نكتة الشهر

إثنين مسيحيين يمشون في الصحراء، واحد اسمه جورج والثاني اسمه ميشيل..
ضاعوا فى الصحراء وذبحهم الجوع والعطش، وفجأه لقوا مسجد..

قال ميشيل لجورج: أنا بقول لهم ان اسمي محمد عشان يعطوني أكل وماي و يكرموني!
قال جورج: لا يا عم.. أنا بقول اسمي جورج واللي يصير يصير!
شافهم شيخ المسجد وسألهم عن أساميهم..
قال ميشيل: أنا اسمي محمد
وجورج قال: اسمي جورج
فقال الشيخ أعطوا جورج أي شي ياكله
وانت يا محمد زي ما تعرف احنا في شهر رمضان اصبر وتحمل..

كااااااك مسكين

تخيل تتفطر مع هالحريم

يا التاكسي

مره واحد أجنبي نزل القاهره وركب تاكسي، ‏مشى سائق التاكسي ومر على اشارة حمراء وقطعها...

قال الأجنبي: هيه انتبه انت مجنون اشارة حمراء وتقطعها..

التاكسي: ما تخافشي يا خواجه انا بروفيشينال!!

الإشارة الثانية كانت حمراء وقطعها صاحب التاكسي..

قال الاجنبي: أكيد انت مجنون ما تخاف على نفسك وعلى اللي معاك؟؟

التاكسي: ما تخافشي يا خواجه... أنا بروفيشينال

الإشارة الثالثة كانت خضراء وقف صاحب التاكسي عند الإشارة ‏اتجنن الأجنبي من هذا التصرف..

قال الأجنبي: أكيد انت مجنون كيف إشارة خضراء وانت واقف ؟؟!!

قال له التاكسي: لا تصير مجنون يا خواجه ‏يمكن حد بروفيشنال جاي من هنا وإلا هنا..

جبهة تحرير كيفان قطعة ثلاثة

يابانيين فصلة

وللحين ولي باجر

* بندش ٢٠١٢ وللحين الكويتي اذا غسل ايده وطلع من الحمام يرش الماي في ويه اي احد يلقاه جدامه

* بندش ٢٠١٢ وللحين الكويتي اذا بيطق الزهيوي مايطقه بنعاله لازم بنعال احد غيره

* بندش ٢٠١٢ وللحين الأم الكويتيه إذا بتطلع تقول حق اليهال أنا بروح الطبيب

* بندش ٢٠١٢ وللحين الكويتي لما يشوق سياره كشخه معروضه في مجمع يقول: منو صافط سيارتي اهني

‏​* بندش ٢٠١٢ وللحين الكويتي إذا طلب من ماكدونالدز حقه و حق صاحبه يأكل من بطاط صاحبه أول شي ويعطيه إياه

* بندش ٢٠١٢ وللحين العيوز لما تكلم بالتليفون ترسم باصبعها على الزولية وتلقط اللي طايح على الارض

* بندش ٢٠١٢ وللحين الكويتي اذا دقيت عليه من تلفون البيت .. يقولك وينك؟

* بندش ٢٠١٢ وللحين الكويتي إذا قلت له وين فلان؟! يحط ايده بمخباته ويقول لحظه بطلعه

* بندش ٢٠١٢ وللحين الكويتي يخلط الكاتشب بالمايونيز بواسطة بطاطة يابسة

* بندش ٢٠١٢ وللحين الكويتي إذا شاف الصاله نظيفه سأل منؤ يبي يجي

* بندش ٢٠١٢ وللحين الشاب الكويتي على باله أي بنت تسويله فولو في تويتر حسباله تبيه

* بندش ٢٠١٢ وللحين الكويتي اذا شاف بنت بيضاء يسأل: امج كويتيه

* بندش ٢٠١٢ وللحين الكويتي يفتح جيس التوست ويخلي اول ثنتين و ياخذ من النـص

* بندش ٢٠١٢ وللحين الكويتي إذا دخل محل يقول: يا آخي أنا زبون دايما اشتري من عندك؟ واهو أول مره يدخل المحل في حياته

* بندش ٢٠١٢ وللحين الكويتي اذا ما لقى أحد يضغطه يقعد يضغط روحه

اعلان بفك قديم

دي دي وااااه

تنزيلات الصيف

خصم خاص يصل حتى 75% لهذا الموسم 

نحن على استعداد تام لتنظيم جميع مظاهراتكم واحتجاجاتكم 

كل اسبوع.. وكل جمعة 

اختر ما يناسبك من الجمع واترك الباقي علينا.. 

جمعة الغضب - جمعة الرحيل - جمعة التغيير - جمعة الوثيقة 

ولدينا الكثير من أسماء الجمعات.. تناسب جميع الأذواق و الأعمار 

إسلوب راق مستوردة من مصر و اليمن و ليبيا و تونس و سوريا

((((((احذروا التقليد)))))))

نوفر لكم لزوم المظاهرة: 

- عدد 4 نواب مجلس أمة 

- عدد 4 باصات من الجنسية السعودية مدربين ذات كفاء عالية 

- عدد 3 باصات من فئة البدون من ذوي الخبره 

- عدد 1 باص نساء 

- باص صغير عمالة بنغالية 

- تصميم يافطات وعبارات جميلة بألوان زاهية بيد أمهر الخطاطين 

- توفير مصورين و مصورات من قنواة فضائية وصحافة 

واحصل على عرض (مجاني)

تنظيم اعتصام لأي مناسبة وفي أي وقت تختاره مع توفير لك باصين من الكواوله والعقد مجانا!! 

لا تدعوا الفرصة تفوتكم!!

سارعوا الآن بالحجز الكمية محدودة

اتصل على الرقم 112 علشان يلعنون خيرك الخير..!

مجلس اللكمة الموقر

وما تحلى السوالف الا عند الباب

يا حِب المرة للسوالف، وما تحلى السوالف الا لما تبي تودع أهل البيت اللي زايرته، وتقعد عشرين مره تقول مع السلامه:

- يلا مع السلامة.. ما قصرتو
- نشوفكم على خير.. مع السلامة
- سلمي على الأهل.. مع السلامة
- يوصل ان شاء الله.. مع السلامة
- يعطيكم ألف العافيه.. مع السلامة
- يا حلو قعدتج والله ذكرتيني بأيام ماليزيا يبيلنا سفره مثلها والله.. مع السلامة!!
- اي والله يا حلووها من سفرة.. يلا مع السلامة
- مع السلامة
- على خير ان شاءالله
- مع السلامة يا هلا
- كثر الله خيركم مشكورين عالقعده الحلوه
- حياج الله.. مع السلامة
- عاد خلونا نشوفكم لاتقاطعون
- انشاءالله.. مع السلامة
- سلمي على البنات اذا يو عندكم ولا شفتيهم
- يوصل.. مع السلامة
- جم قلتيلي صار عمر بنتج الكبيره الله يحفظها؟
- مع السلامة
وتوها تبي تصكر الباب تتذكر وتقول:
- ترى مريم بنت أم محمد اولدت يابت بنيه
- ماشاءالله صج.. اذا بتزورونها عطوني خبر
- مع السلامه
- ويي عبودي وينه!! روحي نادي اخوج نسيناه
- يلا مع السلامة
- يوووه روحي ييبي البايركس مالنا نسيناه بعد
- مع السلامة
- يالله تمسون على خير
- تعالي على طاري البايركس ابي منج مقادير الحلو وايد طيب تسلم ايدج
- انشاءالله تامرين.. مع السلامة
- مع السلامة
- اووووووه دريتي عن أم يوسف ولدها انفصل.. عاد يوويسف اشزينه يهبل مالت عليها ماعرفت قدره
- مع السلامه
- نشوفكم علي خير
- حياكم الله يا هلا
- مع السلامة
- امبيه ريلي ذبحني اتصالات.. وعليا ناطريني بالسياره بره
- والله قعدتكم ماتنمل.. ما تمريني على شي حبيبتي
- تسلمين.. يلا مع السلامة
- حبيبتي نشوفج ان شاء الله
- عاد شكلج اينن اليوم ماشاءالله شحلاتج تهبلين
- ههههه عيونج الحلوة.. مع السلامة
- مع السلامة
- مع السلامة

أنت وش أنت؟

بو شنب الأصلي